Popular Bible Verses from Forkynnaren 4

Share

Det er betre å vera to enn ein, dei får god løn for sitt strev. For om dei dett, kan den eine reisa opp den andre. Men stakkars den som er åleine! Når han dett, har han ingen til å reisa seg opp.

Om nokon vinn over den som er åleine, vil to kunna stå seg mot han. Ein tretvinna tråd slitnar ikkje så snart.

Når to ligg saman, vert dei varme, men korleis kan den einslege verta varm?

Det er betre å ha litt i neven og få leva i ro enn å ha begge hendene fulle og streva og jaga etter vind.

Eg såg at alt strev og all dugleik kjem av at den eine misunner den andre. Det òg er fåfengd og jag etter vind.

Ein ungdom som er fattig, men klok, er betre faren enn ein konge som er gamal og dum og ikkje har vit til å ta imot råd.