Popular Bible Verses from Forkynnaren 2

Share

Ja, Gud gjev visdom og kunnskap og glede til dei menneske han synest om. Men syndarar gjev han strevet med å samla og sanka, og sidan må dei gje det alt til dei som Gud synest om. Det òg er fåfengd og jag etter vind.

Det beste eit menneske kan gjera, er å eta og drikka og unna seg gode dagar midt i alt sitt strev. Men eg fekk sjå at det òg kjem frå Guds hand. For kven kan utan han eta og vera glad?

Men så gav eg meg til å tenkja over alt det eg hadde gjort med mine hender, det eg hadde streva og slite med. Sjå, alt var fåfengd og jag etter vind. Det er ingenting å vinna under sola.

Alt det augo ynskte, lét eg dei få; eg nekta meg inga glede. Hjarta gledde seg over alt mitt strev, og det var løna for all mi møde.

Eg såg at visdom er betre enn dårskap, liksom ljoset er betre enn mørkret.

Den vise har augo i hausen, medan dåren ferdast i mørker. Men eg skjøna òg at same lagnaden møter dei begge.

For det hender at eit menneske strevar med visdom, kunnskap og dugleik og må gje det i arv til ein annan som ikkje har hatt noko bry med det. Det òg er fåfengd, ei stor ulukke.