Popular Bible Verses from Forkynnaren 11

Share

Gled deg, ungdom, medan du er ung, ver glad og nøgd i livsens vår! Gå på dei vegar som hjarta vil, fylg det som lokkar ditt auga! Men vit at Gud skal krevja deg til rekneskap for alt det du har gjort.

Få sutene ut or din hug, og hald det vonde frå livet! For ungdomstida, livsens vår, kverv som ein pust.

Den som aktar på vinden, får ikkje så, den som kikkar på skyene, får ikkje hausta.

Likså lite som du veit kva veg vinden blæs, eller korleis beina vert til hjå fosteret i mors liv, likså lite kan du vita korleis Gud som skaper alt, gjer sitt verk.

Så ditt sæde om morgonen, og lat ikkje handa kvila om kvelden. Du veit då ikkje kva som vil lukkast, anten det eine eller det andre, eller om alt er like godt.

Del det du har med sju eller åtte; for du veit ikkje kva for ulukker som kan henda på jorda.