Popular Bible Verses from John 21

Share

Edo ungo indari indero Iesu mi Simon Peter da yei sisira, “Simon John da mei iso dubo bari naso yei mo embo nenei da dubo bari naso yei da eiedo aeta?” Setiri Peter mi mina sisira, “Ge be Bada, imo gosesa na imo dubo burena.” Edo umo awodo setiri Iesu mi uso yei sisira, “Naso sheep simba eio.” Edo Iesu awodo sedo sekago uso yei sisira, “Simon John da mei imo na dubo buresi ta?” Setiri Peter mi mina sisira, “Gebe Bada imo gosesa na imo dubo burena.” Edo umo awodo setiri Iesu mi uso yei sisira, “Naso sheep simba eio.” Edo Iesu awa sedo sekago uso yei sisira, “Simon John da mei, imo na dubo buresi ta?” Setiri Peter dubo vevera isira ko Iesu iji tamonde umo nganega isira, “Imo na dubo buresi ta?” Edo dubo vevera de uso yei sisira, “Bada imo rora berari gari ra edo imo gosesa na imo dubo burena.” Edo Peter awodo setiri Iesu mi uso yei sisira, “Naso sheep simba eio.

Edo na iso yei ge be sena, imo mei singa atisera iji ainde imo iso sini awa digido edo imo yei rawainda mambadi dipapa edo isesa ainda mambudo isesa. Awarate imo ogo adesa iji ainde imo iso ingo kerere aso embo nei mi imo awa budo imo gitijigido budo imo dipapa ae esa yei ainda mambadira.”

Edo ungo awodo setero unemi ungoda yei sisira, “Ingoda monga awa ingoda ingo be kena nga demo da pigewo edo ainda wo tambadewa.” Setiri ungo ungoda monga pigedo edo monga awa jumbari nga da vitari awa sago ae isira ainda be awa ungo wo jiwae be burisera awasedo.

Edo Simon Peter mi ambojimbi nenei da yei sisira, “Na wo oiro adi mambadena.” Edo Peter awodo setiri ungo mi uso yei sisera, “Nango ingae da mambadera.” Awasedo ungo berari nga da sirido mambusera te ungo wo beradi tumba da awa jarisera te wo da ro bae isera.