Popular Bible Verses from 1 Timoti 6

Share

Sumanai onawa bedewe ideita poka bedewainta badowa weuwane aitone ompa osowe wie, ita e eba baia inawinakasala wade manawosaa. E apana uara danauwo sumanaia Iesu Keriso bedewe ituiana ipawa wasabamosaana walamawe God e inawinakasala ema wadaa baiwa apaen.

Ne ema epe wadina, ipawa mane nuawadawadawa ipa kadi daitada bumpau. Apana isiwa mane menaidamodio banusaia sumanai intawa enaiane nambe antone, ita muba nuaparepare daitada mampe nuau nopesai.

Tane no God insaisawa nolawa bedewe simbiantitana. Sa ipa ulaipa maurantitana, mai dima kerauda no mainimboa winedia osowe wampona ewatadabu ete debama baiwantata.

No tawo ema osowe muntite mai dima da wadape do sabamontepona, dia. Tane do bontate mai dima da wadate do ana, diaida.

Timoti, apana mauralala ema epe diamoa: “Mai puraiwala mauralempo asowawaitana, ba insaisala nitu ema diala bedewe ituna. Tane insaisala God bedewe ituna, me mida dewa uduudu no menanedia rua debama nuaeuntontaa baiwa nenede.”

Apana mida tawo ema nituwa uduudu mampe debamaidalepia menasadia, me kadi rubuwa ema bedewe omede. Me epe dewaleidia, sa ipa tawo ewanuauwa insaisawa omaomala diapanau me karo rua taudosaie teineie wanwamba rebarebasaio bola kadiwaida bedewe aleide.

Do diamowo dewa ita nola eubu bedewe maurantompa, ita sosou mampo nuaeu do amonantompe saumompa. Mo epe dewantompa, mo muba baibu maura adibawa winakasala ando baiwa imaasai. Inta ema bedewe mo rua os inaida donsapue wadapu.