Popular Bible Verses from Luku 4

Share

Wenaba Weunakafo idafa wa námoti minabo wenina hala ukuwa dowa lo oloto biyo, loto mino nedaibo ne. Mino nedoto ya feto loto lonumibo, Uto ya nala i betiyabo wenina ya nala yauti wina betiyageto minanae, loto feito lo oloto biyo. Ido nomudina likaibo wenina ya nomudina hofa falatageto wanae, loto lo oloto biyo. Ido uwotinafo-mota yasi li nosámibo o beti minabo wenina ya wina betiyo. Ido Wenaba li dowa lo betinaibo hamena ya moda alili aiye, loto lo oloto biyo, loto feto loto lonumuto nilifi molaibo ne, loto ha mono lufuwau nebo ha ya hito biye.

Feto loto lomuito, Yesukafo ha liwila oto feto loto lomuibo, Ena ha ma feto libo, Wenaba Gotitina huliya li faka loti weudina-lutina-hatina muti, eimolako houba-naba o edalo, loto ha mono lufuwau ya nebo ne, loto lomuiye.

Lomuito, Yesukafo ha liwila oto feto loto lomuibo, Wenina mino holinabo ya wetina-idafa nanabo yako minámiye, loto ha mono lufuwau ya nebo ne, loto lomuiye.

Ena Yesu ya Weuna Felekafo lulau mino faito edaito, Yodani no nabaloti liwila oto Weunakafo ilimito u mika hameto wiye.

Feto loto lomuito, Yesukafo ha liwila oto feto loto lomuibo, Ena ha ma libo, Wenaba Gotitina ya hepa molo umámilo, loto ha mono lufuwau ya nebo ne, loto lomuiye.

Feto loto lomuito, Satanikafo hepa molo muibo ha muki lo fulitoto ya emodokati uto hamena malo ne, loto hiyaba o ne.

Feto loto lomuito ya Satanikafo ilimito yoto wenina mikau-mikau hiyabatina we hudi hiyaba o betiyabo ebatina muki ya haita ilibi huliye. Ilibi huloto ya feto loto lomuibo, Ena ebawa muki yagi, ido hulitina ukutina-hatina mino betibo yagi ya hemo humu hulanogolowe. Idafawa muki numutaito, litobo ya we ma munowe, loto holinobo ya aifa munogolowe. Yagunu huline li faka loto weuga-luka-haka nomagetoma, idafawa muki ya hemo idafaka anaiye, loto lomuiye. Feto loto lomuito, Yesukafo ha liwila oto feto loto lomuibo, Ena ha ma feto libo, Wenaba Gotitina huliya li faka loti weudina-lutina-hatina muti, eimolako houba-naba o edalo, loto ha mono lufuwau ya nebo ne, loto lomuiye.

Feto loto lomuito, Satanikafo ilimito Yelusalemu uto fele huliyagi numuna naba holalo fulo edoto ya feto loto lomuibo, Hemo Goti Hipalama minotoma, meloti sato moloto mikalo youma iyo. Ha mono lufuwau ya feto libo, Hemogunu ya enisolela lobiyageto, hiyaba o hedoti higa ya hefanagunu hofotanaiye, loti ya adina mulalo li faka lo hedanigilae, loto ha mono lufuwau (Sng 91:11-12) ya nebo ne, loto lomuiye. Feto loto lomuito, Yesukafo ha liwila oto feto loto lomuibo, Ena ha ma libo, Wenaba Gotitina ya hepa molo umámilo, loto ha mono lufuwau ya nebo ne, loto lomuiye.