Popular Bible Verses from Johannes' openberring 3

Share

Sjå, eg står framfor døra og bankar. Om nokon høyrer mi røyst og opnar døra, då vil eg gå inn til han og halda måltid, eg med han og han med meg.

Eg veit om gjerningane dine – du er verken kald eller varm. Om du berre var kald eller varm! Men du er lunka, ikkje varm og ikkje kald. Difor skal eg spytta deg ut av min munn.

Alle dei eg har kjær, refsar eg og viser til rette. Gjer alvor av å venda om!

Eg veit om gjerningane dine. Sjå, eg har sett framfor deg ei opna dør, som ingen kan stengja. For du har lita kraft, og du har halde fast på mitt ord og ikkje fornekta mitt namn.

Den som sigrar, vil eg la sitja med meg på mi trone, slik eg sjølv har sigra og sett meg med Far min på hans trone.

«Eg er rik», seier du, «eg har overflod og manglar ingen ting.» Men du veit ikkje at nettopp du er arm og ynkeleg, blind, fattig og naken.

Du har halde fast på mitt ord om tolmod. Difor vil eg halda fast på deg i den prøvingstida som skal koma over heile verda for å prøva dei som bur på jorda.

Eg kjem snart. Hald fast på det du har, så ingen skal ta frå deg sigerskransen!

Vakn opp og styrk det som er att, og som held på å døy! For eg har funne at gjerningane dine ikkje held mål for min Gud.