Popular Bible Verses from Filipparane 4

Share

Ver ikkje urolege for noko! Men legg alt de har på hjartet, fram for Gud i bøn og påkalling med takkseiing.

Og Guds fred, som går over all forstand, skal vara dykkar hjarte og tankar i Kristus Jesus.

Til slutt, sysken: Alt som er sant, og alt som er ære verdt, alt som er rett, og alt som er reint, alt som er verdt å elska, og alt som er verdt å akta, ja, alt som er til glede og alt som fortener ros, legg vinn på det!

Alt maktar eg i han som gjer meg sterk.

Gled dykk alltid i Herren! Endå ein gong vil eg seia: Gled dykk!

Så skal min Gud, som er så rik på herlegdom i Kristus Jesus, gje dykk alt de treng.

Det som de har lært, og det de har teke imot, det de har sett og det de har høyrt av meg, gjer alt dette – og fredens Gud skal vera med dykk.

Lat alle menneske få kjenna kor godhjarta de er. Herren er nær.

Eg veit kva det er å ha lite, eg veit kva det er å ha overflod. I alt og i alle ting er eg innvigd, å vera mett og vera svolten, å ha overflod og ha for lite.

Eg seier ikkje dette fordi eg leid naud, for eg har lært å klara meg med det eg har.