Popular Bible Verses from Markus 13

Share

Og alle skal hata dykk for mitt namn skuld. Berre den som held ut til enden, skal bli frelst.

Ver på vakt, hald dykk vakne! For de veit ikkje når tida er inne.

Men når dei arresterer dykk og fører dykk for retten, så ver ikkje på førehand urolege for kva de skal seia, men sei det som blir gjeve dykk i same stund! For det er ikkje de som talar, men Den heilage ande.

Himmel og jord skal forgå, men mine ord skal aldri forgå.

Men dagen eller timen kjenner ingen, ikkje englane i himmelen og heller ikkje Sonen, berre Faderen.

Når de høyrer om krig og det går rykte om krig, så lat dykk ikkje skremma! Dette må henda, men enno er ikkje enden komen.

Så vak då! For de veit ikkje kva tid husherren kjem, anten det er om kvelden, midt på natta, når hanen gjel, eller når dagen renn. Lat han ikkje finna dykk sovande når han brått kjem. Det eg seier til dykk, det seier eg til alle: Ver vakne!»

Folk skal reisa seg mot folk og rike mot rike, og det skal vera jordskjelv på stad etter stad, og hungersnaud. Dette er byrjinga på fødselsriene.

Og evangeliet må først forkynnast for alle folkeslag.

Mange skal koma i mitt namn og seia: ‘Det er eg!’ Og dei skal føra mange på villspor.

Men ta dykk i vare! Dei skal gje dykk over til domstolane og piska dykk i synagogane, og for mi skuld skal de førast fram for landshovdingar og kongar, så de kan vitna for dei.

For falske messiasar og falske profetar skal stå fram og gjera teikn og under for å føra dei utvalde vill, om dei kan.

Men i dei dagane, etter denne trengselstida, skal sola formørkjast og månen mista sitt lys. Stjernene skal falla frå himmelen og kreftene i himmelrommet bli rokka.