Popular Bible Verses from Matteus 27

Share

Og kring den niande timen ropa Jesus med høg røyst: « Elí, Elí, lemá sabaktáni? » Det tyder: « Min Gud, min Gud, kvifor har du forlate meg? »

Då rivna forhenget i tempelet i to, ovanfrå og heilt ned. Jorda skalv, og berga brast. Gravene opna seg, og kroppane til mange heilage som var avlidne, vart reiste opp frå dei døde.

Men Jesus ropa på nytt med høg røyst og gav opp anden.

Men då offiseren og dei som var med han og heldt vakt over Jesus, såg jordskjelvet og det som hende, vart dei gripne av stor redsle og sa: «Sanneleg, han var Guds Son!»

Frå den sjette timen vart det mørkt over heile landet, og mørkret låg til den niande timen.

«Kva skal eg då gjera med Jesus, han som blir kalla Messias?» spurde Pilatus. Då svara dei alle: «Krossfest han!» «Kva vondt har han så gjort?» spurde han. Men dei skreik berre endå høgare: «Krossfest han!»