Popular Bible Verses from Lukas 17

Share

Og han sa til mannen: «Reis deg og gå! Trua di har frelst deg.»

Ja, om han syndar mot deg sju gonger same dagen og sju gonger kjem til deg og seier: ‘Eg angrar’, så skal du tilgje han.»

Ein av dei kom tilbake då han såg han hadde vorte frisk. Han lova Gud med høg røyst, kasta seg ned for Jesu føter med andletet mot jorda og takka han. Denne mannen var ein samaritan.

Ta dykk i vare! Syndar bror din, så tal han til rette, og angrar han, så tilgjev han.

Då sa Jesus: «Vart dei ikkje reine alle ti? Kvar er så dei ni?

Herren svara: «Hadde de tru som eit sennepsfrø, kunne de seia til dette morbærtreet: ‘Rykk deg opp og slå rot i havet!’ Og det skulle lyda dykk.

Den som vil tryggja livet sitt, skal mista det. Men den som mistar det, skal berga det.

Han sa til læresveinane sine: «Det må koma forføringar, noko anna er ikkje råd. Men ve den som forføringane kjem ifrå! Det var betre for han å bli kasta i havet med ein møllestein om halsen enn at han skulle lokka ein av desse små til fall.

Og som det var i Noahs dagar, slik skal det vera i Menneskesonens dagar. Dei åt og drakk, dei gifte seg og vart bortgifte, heilt til den dagen då Noah gjekk inn i arka. Så kom storflaumen og gjorde ende på dei alle.