Popular Bible Verses from Jesaja 54

Share

Kvart våpen som er smidd mot deg, skal mislukkast. Kvar tunge som talar mot deg i retten, skal du kjenna skuldig. Dette er arven HERRENS tenarar får, rettferda som eg gjev dei, seier HERREN.

For om fjella vik og haugane vaklar, skal min godleik aldri vika frå deg, mi fredspakt skal ikkje vakla, seier HERREN, som viser deg miskunn.

Ver ikkje redd, du skal ikkje bli til skamme. Lat deg ikkje audmjuka, for du skal ikkje bli vanæra. For din ungdoms skam skal du gløyma, din enkjestands vanære skal du ikkje lenger hugsa.

For han som laga deg, er din ektemann, HERREN over hærskarane er hans namn. Han som løyser deg ut, er Israels heilage, han blir kalla Gud for heile jorda.

Lag større plass i teltet ditt, spenn teltdukane ut, spar ikkje på dei, gjer snorene lange, slå pluggane fast!

Alle dine born skal lærast opp av HERREN; stor blir freden for borna dine.

Medan harmen fløymde, løynde eg andletet for deg ein augneblink, men med evig godleik vil eg miskunna meg over deg, seier HERREN, som løyser deg ut.

Ein liten augneblink forlét eg deg, men i mi store miskunn tek eg deg tilbake.

For meg er dette som Noah-flaumen. Slik eg svor at Noah-flaumen aldri meir skulle koma over jorda, slik sver eg no at eg aldri meir skal bli harm på deg og truga deg.

Murtindane gjer eg av rubinar, portane dine av krystallar og heile ringmuren av kostesame steinar.