Popular Bible Verses from 1. Mosebok 32

Share

Då sa mannen: «Du skal ikkje lenger heita Jakob. Israel skal vera namnet ditt, for du har kjempa med Gud og menneske og vunne.»

Og han sa: «Slepp meg, for morgonen gryr!» Men Jakob svara: «Eg slepper deg ikkje utan at du velsignar meg.»

Jakob var åleine att. Og ein mann kjempa med han heilt til dagen grydde.

Jakob kalla staden Peniel. «For eg har sett Gud andlet til andlet og endå berga livet.»

Då mannen såg at han ikkje kunne vinna over han, gav han Jakob eit slag over hofteskåla, så hofta gjekk ut av ledd medan dei kjempa.

«Kva heiter du?» spurde mannen. «Jakob», svara han.

Då bad Jakob: «Sei meg namnet ditt!» Han svara: «Kvifor spør du etter namnet mitt?» Og han velsigna han der.

Eg er ikkje verd all den miskunn og truskap som du har vist tenaren din. For med berre staven min gjekk eg over Jordan, og no har eg to leirar.

Difor er det slik den dag i dag at israelittane ikkje et muskelen over hofteskåla, for mannen gav Jakob eit slag over hofteskåla, på muskelen.

Så bad Jakob: «Du min far Abrahams Gud, du min far Isaks Gud! HERRE, du som sa til meg: Dra tilbake til landet ditt og slekta di, så skal eg gjera vel imot deg!

Berg meg frå handa til Esau, bror min! Eg er redd han. Han kan koma og slå i hel meg og mine, både mor og born.