Popular Bible Verses from Galatarane 5

Share

Men Andens frukt er kjærleik, glede, fred, tolmod, mildskap, godleik, truskap, audmjukskap og sjølvdisiplin. Slike ting er ikkje lova imot!

Eg seier dykk: Lev eit liv i Anden! Då følgjer de ikkje dei vonde lystene i dykkar kjøt og blod.

Lever vi ved Anden, så lat oss òg vandra i Anden.

Dei som høyrer Kristus til, har krossfest kjøtet med lidenskapane og dei vonde lystene.

Det er klårt kva slag gjerningar som kjem frå kjøtet: hor, umoral, usømd, avgudsdyrking, trolldom, fiendskap, strid, sjalusi, sinne, sjølvhevding, usemje, splittingar, misunning, fyll, festing og meir av det slaget. Eg har sagt det før og seier det på nytt: Dei som driv med slikt, skal ikkje arva Guds rike.

De er kalla til fridom, sysken. Lat berre ikkje fridomen bli eit påskot til å gjera det kjøtet vil, men ten kvarandre i kjærleik.

For det kjøtet vil, står Anden imot, og det Anden vil, står kjøtet imot. Dei to ligg i strid med kvarandre, så de ikkje kan gjera det de vil.

For heile lova er oppfylt i dette eine bodet: Du skal elska nesten din som deg sjølv.

Lat oss ikkje vera drivne av æresjuke så vi utfordrar og misunner kvarandre.

Til fridom har Kristus frigjort oss. Stå difor støtt og lat ikkje nokon tvinga dykk inn att under slaveåket.