Popular Bible Verses from 5. Mosebok 6

Share

Du skal elska HERREN din Gud av heile ditt hjarte og av heile di sjel og av all di makt.

Du skal innprenta dei i borna dine og snakka om dei når du sit heime og når du går på vegen, når du legg deg og når du står opp.

Desse orda som eg byd deg i dag, skal du gøyma i hjartet ditt.

Høyr, Israel! HERREN er vår Gud, HERREN er éin.

Du skal binda dei om handa di som eit teikn og bera dei på panna som eit merke.

Du skal skriva dei på dørstolpane i huset ditt og på portane dine.

HERREN din Gud skal du frykta, han skal du tena, og ved hans namn skal du sverja.

No vil HERREN din Gud føra deg inn i det landet som han med eid lova fedrane dine, Abraham, Isak og Jakob, at han ville gje deg, eit land med store, vakre byar som du ikkje har bygd, velfylte hus som du ikkje har fylt, utgravne brønnar som du ikkje har grave, vinmarker og oliventre som du ikkje har planta. Når du så har ete deg mett, ta deg då i vare så du ikkje gløymer HERREN, som førte deg ut frå Egypt, ut frå slavehuset.

Dette er dei boda, forskriftene og lovene som HERREN dykkar Gud har pålagt meg å læra dykk, for at de skal leva etter dei i det landet de er på veg til og skal leggja under dykk. Du skal frykta HERREN din Gud så lenge du lever, og halda alle boda og forskriftene hans som eg gjev deg, både du og son din og soneson din, og du skal få eit langt liv.

Du skal gjera det som er rett og godt i HERRENS auge, så det kan gå deg vel. Då skal du få koma inn og ta i eige det gode landet som HERREN med eid lova fedrane våre.

For HERREN din Gud, som er hos deg, er ein nidkjær Gud. Harmen hans kunne flamma opp mot deg og utrydda deg frå jorda.

De skal ikkje følgja andre gudar, slike gudar som grannefolka dykkar følgjer.

De skal ikkje setja HERREN dykkar Gud på prøve, slik som de gjorde ved Massa.