Popular Bible Verses from 5. Mosebok 4

Share

Men dersom de søkjer HERREN din Gud der, skal du finna han når du søkjer han av heile ditt hjarte og heile di sjel.

For HERREN din Gud er ein miskunnsam Gud. Han slepper deg ikkje og øydelegg deg ikkje. Han gløymer ikkje den pakta han gjorde med fedrane dine, og som han stadfeste med eid.

For HERREN din Gud er ein øydande eld, ein nidkjær Gud.

Ta deg i vare og vakta deg vel så du ikkje gløymer det du har sett med eigne auge. Lat det aldri gå deg av minne så lenge du lever, men fortel borna og barneborna dine om det

Så skal du no vita og leggja deg på hjartet at HERREN er Gud, både oppe i himmelen og nede på jorda, og det finst ingen annan.

Kvar finst det vel eit stort folk med ein gud som er så nær dei som HERREN vår Gud er nær oss kvar gong vi kallar på han?

I di naud, når alt dette rammar deg i dagar som kjem, skal du venda om til HERREN din Gud og høyra på røysta hans.

De skal ikkje leggja noko til det eg byd dykk, og ikkje ta noko ifrå, men halda dei boda frå HERREN dykkar Gud som eg gjev dykk.