1
Maaki 1:35
Tairora, South
Mwia qanranraa hia qaatatovaro Iesusiva siviro veva ntero uro hia vaisivantovata varunani Kotiravata qua tirero vura.
Compare
Explore Maaki 1:35
2
Maaki 1:15
Mwi entava nri ntaiho. Kotiva nkyiqa ntaqikyiari entava qaumaqa iho. Nkye qora kyaiqa uti varira qaqira kyeta nte kyuqe mwakyaakya timwa nyianinra nkye mwi quarara qutaave timwa kyeta riemwaqi quate, tura.
Explore Maaki 1:15
3
Maaki 1:10-11
Nramanri mwia mwuvaro Iesusiva nramanriqitairo qatinani mwaanri ntero taqovaro nyaamwuvanto qatua vuvaro mwiqitairo Kotira mwanraquravanto nyaamwa minrunra voti huva tumu ntero Iesusiraqaa varura. Tumu Iesusiraqaa varuvaro quavanto nyaamwusairo mwitaama tiro: E ni maaquvanto variararo ni mutukyavanto iara mpoqiavata vaiho. Nte iara qamwateqanama varuqo, tiro.
Explore Maaki 1:10-11
4
Maaki 1:8
Nte qati nramanri nkyi nyi varuqo. Mwiva Kotira mwanraqura nkyi nyiananrove, tiro. Ioniva mwitaa turama.
Explore Maaki 1:8
5
Maaki 1:17-18
Iesusiva mwitanahuara tiqaro, Nkyetana ni naakiara nriate. Nkyetana vahe ntamwa kyeqata tavukya varaantema kyeta ni naakiara nriqata nraakye qora sitevarave, tiro. Iesusiva mwitaa tuvata mwitanahua mate mwiqiara nkyiari vahe mwini kyeta Iesusira vatavare vurama.
Explore Maaki 1:17-18
6
Maaki 1:22
Iesusiva nraakye qora timwa nyi varuvata mwihua mwia qua rieta tiqata, Qikye, mwiva nanra quave tiri timwa timwiho? Mwiva hia mwaanra okyara ti varia vaisinramwuhua qiantema kyero ti variho. Mwiva nronra vaisivanto qiantema kyero ti variho, tura.
Explore Maaki 1:22
Home
Bible
Plans
Videos