Popular Bible Verses from Matyu 19

Share

Por dahamtiperhan Jisas oh Es. Hanip guragurdapat nambutin inasi na matin hat patimur. Got orhordapatwi nambutin inasi naham namburpatmur napongop.

Imat nadarpatip ohoh ihan kuusi hansi gosdaripti yot ina na hat patimur. Tit inawi hat sa pateprio rim nadarpatipmur. Got orhor tit inawi matip tei ohoh ihan hanip dirdapat it yot inasi matiproheda. Basra. Hanip dir na imtiprohemur pongop.

Da adason mar dahamtiperhan oh Wa. Gur rih ma brak matpa meng moh na saptida. Rih ma brak matpa oh mamarumur. Got oh kopenat erer ma darpatip oh kuusi hansi darpatipmur rim brak matpamur. Imat darpapat Got oh Noh mama nadarpa oh han orhe supsi itapsi mandama kuu dara kuu uhsi itait tit inawi hat sa patepri rim nadarpatipmur.

Imtiperhan Jisas oh Es. Gur ihirnong baso potipri. Got orhe napapindin hrepnong ma hapti oh mihat ma dahat pati brer ihirwi hapti ohoh ihan gur baso potipri. Nohe duupnong moh ha popringwe napongop.

Ihapti nohri win timbas hanwa. Noh win timbas han hat pat oh yahwa ma dahapti han guroh kaput gurri winsi han hatiprimur. Nohri winsi han hatpor ma dahapti han ihiroh kaput komdapat win timbas han bap hatiprimur napongop.

Gurwi imat wamat na papindiprimur. Gursi; kuuhan gonsio ihir gure ma hat saptiru nohnong dinahatinmat apo mongo kuu brero taptemo supir itapiro ama erer mandam nohnong dinahayanoh ama dinahaya han ihirsi guragur tap ham yan ruumsan datiprimur. Daripti dahe eimat paten dasi datiprimur.

Potporhan Jisas oh Go Noh yahnap han hatpora dahahhanoh gorhe erer oh ihirsi mohoma mani oh dar borop han ihirnong apinmur. Ihyahanoh go aw tei mahat Got ohe napapindin tei ohe ruumsansi han hatipramur. Ihpat nohsi tap hat sashen han hat aprishenmur pongop.

Dahamtiporhan Jisas oh ohnong Go mohnong dahatinmur. Yah han oh Got orhor pokwimur. Tit han tit yah hanhe timbasmur. Go ihat na daham nohnong dahanahapatda por irhaha deingop. Irhaha deipat Go Noh eimat paten dasi hatpor dahahhanoh Moses ohe sawa mengnong dimtinmur pongop.

Tit meng oh mamaru hat patmur. Sahapti han kemar ihir sur tem kat oh kin hat ron ham butahaptimur. Erer ruumsansi hat pati han ihiroh Got ohe napapindin hrepnong sonmat oh atnap butahaptimur napongop.

Gin nohe ma napotiproh meng moh amratin. Kuu han inap ihir bisei saw hat saya ohe pe ohwi kuu mandaptimur. Be na mandaptimur. Be mandam wan kuu ma daripti oh uhnong be bisei mar bisei saw mar mandaptimur. Ama ihat sapat han go bisei saw hapat han gomur pongop.

Saporhan Jisas oh orhe namgit napisapat han nuhurnong Noh arpin meng napotiprohmur. Ihsen ruumsansi ham kamah han hat ma pati han ihiroh Got ohe napapindin hrepnong hatinmat kinhat son ham butahaptimur.