Popular Bible Verses from 1 Tesaronaika 5

Share

Gur dipwi damdapat amam hat orhorwi patenmur. Gur Got ohsi mengir paten ohe da oh na mandam dipwi orhorsiwi mengir patenmur. Kinhatin da tit gure basnong apirhanhe gur Got ohnong Wes napanggeitin han go pato por dipwi weso por paptenmur. Got oh Jisas Krais orhe tapnong hat pati han bap ihir ihat ha patengwe dahapat ohoh ihan gur wes inahat napapat hano por weso por paptenmur.

Nure at Gota por ma nadahandeipti meng oh At Gota. Go gorhorsi; nuhursi manap gosham yah hat paten ohe duuptei han oh gorhorwimur. Ihtin dasi naham napapat han gorhor Tesaronaika aptei sios bap ihirnong Got gorhor hatin mar gorhe yahnap danong asoh isip mat apisus gon gurus por apaptenmur. Imat apapatin ina da oh yahnap bok inasi hat patin Jisas Krais oh it apris ha wamtinoh rim go ihirnong ihtin inasi mat paptenmur por nuhur imat gure paten meng oh nadahandeiptimur. Gurnong Maihir norhe nitamur napor kis nahat napapat Got orhor arpin han ohoh ihan arpin inahatiprohmur.

Er nahayahanhe gurdapathe it yansi mar er deipri. Nohdapat ihirnong yah dawi mat paptepora dahat orhorwi panggeit paptenmur.

Ihat apris nambutipra ohoh ihan guragure da kasip goshat ma gospanggeit sapti da ohri mandapri. Ihat orhorwi da ayah maro da kasip goshat ayao hat orhorwi patenmur.

Nure taptem gur mamengnong moh amram dindeinmur. Gapa ham na tamreipti han ihirnonghe We. Gur gapa ham na tamreim behe patepri por sawa asar paptenmur. Hanip kintei kas hat pati ire danonghe akasip mat pisashenmur. Got ohe danong hat patim danong ma gapa hat pati ihirnonghe da akasip mar panggeinmur. Gonsi ihirnonghe ahar manap da tei orhorwi panggeim paptenmur.

Nambur apriprawa daham minhan pati ohe duuptei oh mamaru hat patmur. Got oh dirnong oh Maihirnong heisup mat papat da oh ihirnong imat apriprawa daham na kis nahatipmur. Maihirnong Hanipyah Jisas Krais orhe dap tei ambutiprawa daham kis nahatip han bap dirmur.

Dire da oh kwitem hat na patema mong da has teinong hat pati bap dir ohoh ihan ihat ma apripra dik oh dire boknong buporinsi na nahatipramur.