Popular Bible Verses from Romens 3

Share

God fu e iji bu oibuon ijia Jesu Kurais ma vierafejo ijiebuon ise iji giame aregavo bu karauniame una unam fuon ma ijia uniain. Regavo e fok no Godon nifak ijia no besum. No kafokafo bakin ijefuon maiji e fok no ise uruvana reoijo ijefuon no Godon sanainma iji noba gain. Noiji no ise reoij. Regavo God fu Jesu Kuraison if ijia ire fuon ma iji fum kege no vajuomo ijia fu no karaunuome una unam fuon ma ijia unuom. Regavo Jesu Kurais fu no karaunuinma ijefuon God fu if fuon ijia ire ma iji kege no vajuom.

God fu e iji bu oibuon ijia Jesu Kurais ma vierafejo ijiebuon ise iji giame aregavo bu karauniame una unam fuon ma ijia uniain. Regavo e fok no Godon nifak ijia no besum. No kafokafo bakin ijefuon maiji e fok no ise uruvana reoijo ijefuon no Godon sanainma iji noba gain.

God fu Jesu Kurais kuamga fu e fok ijiebuon ise ijefuon guain. God fu vierafero Jesu Kurais fu guakma fur e fok ijiebuon ise bu reoijo ijia karauniakafa fu iji Jesu kuama fu guain. Regavo fun Jesur e fok ijiebuon unam amaren ijefuon erar fu Jesu Kurais ma vierafeno iji God fu ise fuon game arek. Regavo God fu unam iji fu kenma ijia fu fuon sanainma ga maturainma iji abe e fok no nijaiduin. Usuibe God fu oi dasume isuarigia fine e fok ijiebuon ise iji fuba amarigia giame kuaim. Regavo iviakma igi e fok bu ise reoijo iji fu vajai fian vajiamo ijefuon maiji e iji bu ijia game vierafero God fu ma ijesugin reoinoro bu ijeg vierafek. Regavo God fu unam ijeg fu reno ijia fu unam fuon maum reno iji abe e fok nijaidiam. Ijefuon eraneb bu Jesu ma vierafejo fu e iji karauniame una unam fuon ma ijia uniam.

Regavo e fok no Godon akaij iji noba mukoi jaoij. Ijefuon fu erar Godon nifak ijia maturainma bakin. Ijefuon Godon akaij ijar dakaroim nijaiduoga e fok no game vierafero noiji no ise renvaro no ijeg vierafek.

Regavo vuak ijefuon iji bun usuibe buk Sams ijia ijeg isoime kuai, E besum fuba Godon nifak ijia maturain. E besum fuba ma vierafene Godon unam ma iji gakrok nisaimo bakin. Regavo e fok bun God nuigafame bun unam ise iji jaoij. Regavo e fok bu unam ma iji ba mimatame kegoijo ijia e besum fuka ma bakin.

Ijefuon no vierafe e fok bu Godon akaij iji amarigia igiavo ijefuon bu nifak fuon ijia maturainva bakin. Regavo bu buon izeg bu Jesu ma vierafejo ijia bu Godon nifak ijia bu maturain.

Regavo jan vierafe e fok bu tavan uruvana bu kufui meknum e biesiav. Regavo Godon vuak kufui be a gakma bakin. Fuka ma bakin ijefuon maiji buk akaij iji bu usuibe isoinva ijia fu ijeg kuai, Tavan uruvana vuak on a kuaimon iji nika vuak ma ijesugin kuaimoga e fok bu gak. Regavo tavan kafo e roin bu ise on ijefuon a kuagakva ni vuak ma ijesugin kuardiaga bu game arekno kuain.