Popular Bible Verses from Romens 12

Share

Regavo jab uri e kafo moikigia God ba ma vierafenva iji giame unam ise bu rejo ijeg kegok. Regavo nika arega fu Godri oijon kege karoiga ja una unam fuon ma iji vierafeokfuon. Fur oijon ijin kege karoiga ja koikjo irerag fu vierafeno ijesugin vierafene reoknum ga unam ma iji ja kegokfuon iji vierafek. Regavo madu ja irerag God fu oimaikfuon ja iji vierafene kegokfuon.

Efnun God fu unam kafokafo ijia oifian nuvuon guome ifejduomo. Ijefuon na ja soisoime kia, Ni oijon fok ka kege isuf igeg vo e akaij igeg God vajame fuifuon ikref. Regavo ja ijegrekva iji jan unam ma iji ja God aroikfuon ja iji rej. Ijefuon God fuka jon oimarek.

Regavo ja ma vierafega God fu rad ire ma kafo jon rekma iji nika oimarknum samua kariof. Regavo madu ja oine unam kafokafo ijia vajai fian abekva jab ijefuon uruvana vierafek. Regavo nika tavan bog giriesame Godon sirimameknum kariof.

Regavo jab zazaiga e iji jon ise rejo ijieb rareme ja asidiak. Regavo nika jar giriesame una e iji bu jon ise rejo iji ma rediaga bu oi karoime ise bu rejo iji bu ijia aref.

Regavo jaiji jan Godna agan besum ren ijefuon nika mukorigia jon oijmanamif. Regavo madu nika kaifjon mukorigia agordiakfuon iji abe bomana vierafe of.

Regavo madu igia fai ja e roin oijmiakva jab kufuimene oijmiak revo nika mukorigia bu oijmiaf. Regavo nika unam ise iji mukorigia giame nuigafiame una Godon nifak ijia unam ma ijesugin nikajiame keof.

Regavo madu ni God daro fu miainma iji abe giriesame e iji bu ise rejo iji turamdiaf. Ja ijegrekva ja e fok ijiena afuim karik.

Regavo efnun e kafo bu ise kafo jon rekva jab una vef roin buon ise rekuai vierafek revo ni arega fu Godri e iji ziegafiame kam arafiriak. Ijefuon maiji God fun usuibe buk akai fuon bu isoinva ijia fu ijeg kuai, Erar fu ise kafo rekma God na e darokido nar una vef roin fuon ise rek.

Regavo jab zazaik nika giriesame E Bomana ijefuon ik iji reof. Regavo madu nika oijon ga kaven jon ijekma E Bomana ijefuon ik iji reof.

Regavo God fu fuon ma iji fu abe na mien ijefuon na e besubesum ja kia, Jab aroikarame koikjo if jon kam ajiek rega nin isuar oi mafaime vierafeknum keof. Regavo fun Godri e besubesum oijon iji ja ma vierafekfuon iji kege vajiain ijefuon ni koikjo jon ja ma vierafejo iji giaknum keof.

Regavo igia fai e kafo bu ise kafo jon rekva jab una vef roin buon ise rekuai vierafek. Regavo nika tavan bog e fok ijiebuon nifak ijia ire ma ijesugin mimatame reof.

Regavo madu ni e fok ijiena afuim kariogavo jab aroikarak nika una e nui bakin rene ik ukakna roin iji oimarknum reof. Revo jab koikjo vierafero no e ma ga ire ma ijesugin reoijoro jab ijeg vierafek.

Ijefuon jab una ef roin ise rekuai vierafek. Regavo madu buk kafar be ijia fu ijeg kuai, Erar fu ja ziegafiamo iji fu vasiaguakma nika ire kafo una fu vajaf. Regavo madu fu do kafakma ni do jiame maga fu i. Ja ijegrekva e iji ziemo iji fu unam iji ja rejo iji game una ise fu renma iji vierafekma fuka juk.

Regavo madu e roin bu ja arafiriame vuak ise joisina kuaivga ni God kua fu e ijiebuon ma redia gavo jab God kuaga fu bu kege arafiriak. Regavo tavan iji e bu oimareoijo iji ni buna oimaref. Regavo madu tavan iji e bu oifian abejo iji ni buna oifian abef.

Regavo kaifjon kafo bu sinuom kafo karekuai ijefuon oifian abe oijoga nin on a nainma ijia kafo ke vajia. Regavo madu ni e iji bu aibino ijia roko iji oimarknum aferdia bu jana naoif.

Ijefuon ni igia fai e igi no vajai nuvuon fu besum revo vajai gurom fuka uruvana. Regavo vajai gurom uruvana bu besum afuime ik rejo bakin gavo buka ik ni kafokafo rejo. Unam besum ijeg vo e iji no Jesu Kurais ma vierafejo iji noka e uruvana gavo no ik kafokafo rej. Regavo no vek vajai besum igekin ijefuon maiji no Jesu Kuraisna agan besum ren.