Popular Bible Verses from Firifiens 1

Share

Ja vuak iji faime ka abe ma vierafenva ijefuon na vierafe fu Godri unam ma iji jon renon iji fuba arek. Regavo fuka vek ijeg ifejdiaga ja unam ma ijesugin rejknum vake tavan radkma iji Jesu Kurais fu una roko ijia ire fok fur fok re barek.

Regavo igi fu nar nun na sirimamekafie vierafejo iji jon ja oijmanamivo iji fuka ofrene vak. Ja ijegrekva ja God fu e izekin iji ja ijia mukoi game vierafekfuon. Regavo ja ijia samakaf unam ise iji ga unam mukor iji ja giame unam ma ijesugin jajiame ke vakfuon. Regavo tavan radkma iji Kurais fu una roko ijia jab jukgavo jaka maturaime fu biek.

Regavo unam na vierafenva iji igin na vajai nun igi na abe moikigia fijo ijia ire fok na rejo iji naka Kurais aroikfuon iji rek. Regavo na vajai nun moikigi na fijo ijia guakva iji fuk fu maren.

Tavan bog naka ja vierafejo ijefuon na joifuon God Asoinuvuon iji fuon oimarev.

Regavo igia faif vuak ka ma bomana iji igin Jesu Kuraison vuak ma iji na nijaidiava ja fainva ijia kegoknum karivaf. Ja ijegreoinki na ijia vua giak vo naba ijia vuakva na oknum izeg jon ja unam ma ijin vek giriesame kegoijo na iji faik.

Regavo nun bomana na vierafenva iji iviakma igi vo tavan bog ik nun igi na rejo ijia naba zazaik. Na gua vo na nivek fijo ijia naba juk gavo na bomana oimarknum oinun fok ijekma Kurais aroikfuon.

Ijefuon maiji ja fun Godri vek ik amur ijia ja Jesu Kuraison ikrekfuon iji ken. Regavo ja fu ma vierafekva ijesugin bagavo ja madu fuifuon vajai fian kafokafo biediak.