Popular Bible Verses from Ruk 4

Share

Godon Kaven iji fun na nirokdien ijefuon fun Godri na imut bijieme kie, Ni vuak nun ma iji abe va e iji isema karioijo iji kuardiamne. Regavo madu ni va e iji dibur karijo ijiga e ni zuriaigin iji ga madu e iji eraneb bu e ise ijieb samuagdiavo ijin karauniamne. Regavo madu ni e uruvana kuardiame kia, Tavan iji God E Bomana fu ja ma rediakfuon iji fun igijar ruainmano kiamne kuain.

Fu ijeg kuardamga Jesu fu una roin kua, Usuibe buk akai bu isoinva ijia God fu kuai, Janika E Bomana God jon ijesugin fuon ato same sirimameknum ga ik fuon reofno kuain.

Fu ijeg kuardain gavo Jesu fu una roin kua, Godon buk akai bu isoinva ijia fu kuai, Barubara buba tavan bog duok ijesugin iok gavo bum Godon vuak ijesugin vierafene rekno kuain.

Tavan iji Jon fu Jodan do ijia Jesu do ruardame barekoga Godon Kaven ijar oifuon ijia arime raren. Rega Kaven Akai iji fun Jesu dab ninarume fun afeme ai moikum namo ijia vakoga Setan fu naki foti (40) ijeg Jesu biesuaoin. Regavo tavan iji fu oinma ijia fuka duok kafo ba ioin. Fu duok ba ioko fun naki foti (40) ijeg barenma buin ijia fuka vasia mukoi guain.

Rega Jesu fu uri Setan kua, Usuibe buk akai bu isoinva ijia God fu kuai, Ab God E Bomana on iji bisuamne kuain.

Setan fu ijeg Jesu bisuamoine barme tavan ukakbe fun Jesu areme vain.

Ijegreare Setan fun uri Jesu afeme nafar bomana be manino buin ijia ajie vain. Fu ijia ajie manine ar iror fok e mamkanuk kafokafo bu samuagdiavo iji nijaiknum ga ire uruvana nijain. Areme fun uri Jesu kua, Nar ire nun uruvana a giainma iji kege a vajak. Ijefuon maiji ire uruvana iji nar daro nun ijia samuagdiavo ijefuon nar koiknun kege e be era nar vierafekva iji vajak. Ijefuon a na ato same sirimamekma na ire fok na kuaga ar samuagdiakno kuain. Fu ijeg kuardamga Jesu fu una roin kua, Usuibe buk akai bu isoinva ijia God fu kuai, Janika E Bomana God jon ijesugin fuon ato same sirimameknum ga ik fuon reofno kuain.

Areme Setan fun madu Jesu afeme va Jerusarem Godon ar bomana bu sainva azan ijia unain. Fu ijia ajie manikoga Setan fu uri kua, Aka ma Godon Farikma ni ijia furiko moik gamia akoze. Ijefuon maiji usuibe buk akai bu isoinva ijia God fu kuai, Godri anera fuon uruvana kiaga bur a samuagdak. Regavo a furik akozekman bur dabe ari vake moikazan ijia unakva aba arime oi kananamiken. Regavo madu diak on iji aba kege nizukdiakno kuain. Rega Jesu fu uri Setan kua, Usuibe buk akai bu isoinva ijia God fu kuai, Ab God E Bomana on iji bisuamne kuain.