Popular Bible Verses from Jon 12

Share

Erar vua nun faimo rekafa vierafekma iji nika uri igi na kegoijo ijeg matieme keof. Regavo e vua nun faivo iji bu ar izer na fijo iji buk bu ijia karivak. Regavo asoinun iji fu gia eraneb bu na jajievo iji fu bu kege arordiakno kiain.

Regavo erar fu moikigia tavan bog fuon vierafenma iji oijmaknum kegokma rad fu una izeg unam ma karivako iji abekma bakin. Regavo erar fu moikigia tavan bog una e roin vierafeknum oijmiame ifejdiaokma fu rad unam ma fivako iji abek.

Regavo vuak igi naka ma kuardiavno faif. Ire ufien sunin besum fu vek an ijia kira sairekma iji fu izeg una madu moik ijia arime una uruvana tavuakma bakin. Regavo ufien iji fu saireme una dabuiko moik ijia arikma ijar fuka uruvana tavuak.

Naiji na sanainma ijin abe moikigia ruain ijefuon eraneb bu na ma vierafejo iji bu nakinma ijia kariokva bakin gavo bu sanainma nun ijia kariok.

Regavo eraneb bu na nuigafieme vuak nun ma iji ba faime igievo e iji fu fine una ise fuon iji giakfuon iji fu ijijar. Revo na ruainva iji na e moikigia ise reoijo iji ke mazim giakafie ruainva bakin gavo nam ise buon ijia karauniakafie ruain. Ijefuon vuak nun ma iji fok na kuardiainva ijieb tavan radkma iji ruakma bur una dakaroim ise buon iji giak.

Jesu fu duok ino ijia bara Meri fu kekome do be bu in nadno kuavo ijefuon gireg safik ijia amarenva fuka udi mukor urino iji abe keko ruain. Fu abe keko Jesuon diak ijia usemdame nige jau fuon ijia abe fimdain. Regavo do iji buka mon ka ma bomana ijia kimejo revo bara iji fuba iji vierafen gavo fuka dab uruvana uduime Jesuon diak somdain. Fu ijegreko ire ijefuon udi ijar ar iji bu karine duok ijo iji fuka raren.

Ijefuon e fok bu uri anam kiak mukiene unam gafia Jesu biekuai vain. Bu usem vaknum uruvana biumavknum kume, No Godon oimarek. Godri e Isrerko buon Kin iji fu ma E Bomana ijefuon if ijia roko iji fuon oimardakno kumen.

Bu ijeg kuardava Jesu fu una roin kia, Tavan iji God fu Ema buon Farif iji abe fuon izeg fu kege ruainma ijefuon aroime kuaga fu fuon sanainma ijia fikfuon iji fun igijar.