Popular Bible Verses from Mak 14

Share

Ma ivonatou bo, “Abba, Mamai, kade weni vokwarakwarana reduna gwabikuwai kuta viitawei. Bera peyarina kurim na itekateka kirakai. Ma kegha da ke taku aku kayowana, ma tam am kayowana keberai.”

Matami ita kita ma kota nipowana da maranai ruyagha ina nekiibau na ke kona peku. Kanumimi i kayowana da biibiina kota berai ma tupuwimi na mitamitasi.”

Vonavaghata avonavonemi, dobu ku kudubina wawaya God varana biibiina ina dimadimei na bade weni wavinena aviyavisina karako iberai na ini sisiyei da notana ina makii nonowa.”

Ma ivi aroba ivonesi bo, “Nuwapoya tepanai ma tepanai da vitana irakata, ma tuna ekiikiivunuku. We komakai ma matami ekita.”

Ikamkam na Yesu parawa iviini ma God ivi kiikiiwei, ma ivogimagimai da kana kivikivina iveresi. Ma ivonesi bo, “Koviiya, wena tupuwiku.”

Muriyai redu iviiya ma God ivi kiikiiwei, ma iveresi da peyarisi iuma. Ma ivonesi bo, “Wena taraku, ina sororo da wawaya peyarisi ini yawasisi. Karako imatakira da God ina vivaghina makamakiina ina wawaya yavata eberaberai.

Yesu kana kivikivina ivonesi bo, “Peyarimi ami nota ina peku da kona verukuyoweku. Giruma katamana evonavona bo, ‘Sipu kana koyakoyagha ina kiivunui, ma sipu yavona ini verubogebogesi.’

Kovomiiri. Tanae. Kokitai, wawayina ini wawaneku na enenekiibau.”

Ma Yesu ivonapotei bo, “Vonavaghata avonavonem, karako weni didibarinai, muriyai da kokoreko mara viruwina ita tou na mara aroba kuni bero da ke kuta koviku.”