Popular Bible Verses from Jon 12

Share

Wawaya iyi ekayokayowei da tuna aku bigabiga na ina kiviniku da taku imapatana ana makamakai na tuna gwabikuwai. Ma ina biga kubiiku na aku Mamai ini ghegheni.”

Wawaya iyi ina yawasa dobuwai ina vivinuwabiibiiyei na ini wapai. Ma iyi ina yawasa dobuwai ina vere meyei taku kubiiku na yawasa makamakii nonowina ina panani.

Vonavaghata avonavonemi, pei kuna dogoi ku dowa na ina tupuvurana ma wadubona ina rabobo da vuna ina ghae. Ma vuna na peina ina terei da ina peyari. Ma pei ke kuna voni na ke kovokovoghina da ina peyari, patana da sago kava.

Taku na dobu kana yasegana, tuna kubiine apisi. Ma iyavo kava itumaghaneku na ke nubakutuva kamonai ita makamakai.

Wawaya iyi aku sisiya ivi yanei ma ke ita vovotekatekei na ke taku aku biga da ani tupavirei. Apisi ku dobu na ke wavu ana verei ma viyawasina kubiine.

Ma Meri na diudeu iviiya, kamonai na oira ghabughabuna miiyanina irakata kirakai. Ikavarapiyei da Yesu ku kaena itepoi ma uyawinai kaena ikiikiipupuni. Ma oira ghabuna na numa kamona inunui.

Ma ti damsi yapi rugurugusi iyuna ma Yesu iverupotei. Ma ikiikiirara bo, “Hosana! Kaigheghenim! Tam Bada avanai kepipisi! God ini biibiinim, tam Israel akii Kiivavo!”

Ma ivonapotesi bo, “Marana ipisi da Wawaya Natusi kana kadara ini debei.