Popular Bible Verses from Gen 39

Share

Josepa ina bada vuna na Egypt wawaya ma ina numa kamonai imakamakai ma ivovobagibagi. Ma BADA na Josepa gwabinai, tuna kubiine ivi biibiini da bera peyarina iberaberai na biibiina kavakava.

Potipa ina bera kudubina rapenai ivi damani Josepa kurina da iti badei ma ke sago aviyavisina sago iti nuwapoyei da vavai ikanikani tuna kava. Josepa na ivi komeruwana kirakai ma tupuwina kana kita biibiina.

Tuna kubiine gabura kana koyakoyagha wawayina Josepa ivinei da gabura wawayisi i bada ma aviyavisina peyarina kamonai ina beraberai na tuna ina vibadana gaburinai.

Ma ivona na Josepa ipaniya da ku gabura iterei, meni dobunai kiivavo ina gabura wawayisi ivivi makiiyana na nake iterei da nani dobunai imakai. Ma kegha da BADA na Josepa gwabinai, ma ina agabiibai ivi debei, iberai da gabura kana koyakoyagha wawayina ina kayowana ghamana na Josepa.

Ke mara gurina ma ina bada kawana ikirorowei na ivona tovoni, ivonei bo, “Aku kayowana da tam yavata takena.” Ma kegha, Josepa ibara ma ivonei bo, “Kutakovi da kawam ke sago aviyavisina ina numa kamonai ita vivinuwapoyei, iyamna taku amakamakai. Tuna itereku da ina bera kudubina aibadei. Weni numana kamonai na taku kava aku rewapana emakamakai da ani bada, ke sago iyai. Ma ke sago aviyavisina sago iti tarapaparanei da tam kava. Ikikava da taku weni berana inimayamayana ana berai? Tuna na berabero God kurina.”

Mara sago irui ku numa kamona da ina biga ita berai ma ke sago bigabiga wawayisi nani dobunai. Wavinena ipisi da Josepa kana tarasovo ivotani ma ivonei bo, “Kepisi, yavata takena.” Ma kegha, ionagha da iverau ma kana tarasovo na wavinena imanai ikuyowei.