Popular Bible Verses from Gen 37

Share

Didibara sago Josepa ivi matu ma inae da varevaresina ivi akovisi na varevaresina inuwapughu kamokamowi.

Ma i mamai Jeikap na ina nuwaviina ghamana Josepa, ke natunatuna viya nakanani, iyamna imagura kirakai ma ivi tuwei. Mara sago Josepa kana tarasovo biibiina iyamoni da iverei. Tuna garana na gurina ma kirukirumina, ma imana gurigurina.

Varevaresina nani garana ikitai na damina iviiya da i mamai ina nuwaviina Josepa kurina irakata kirakai, ma ti kurisi na kegha. Tuna kubiine inuwanuwapughuwei da ke sisiya pikanai ita vivisisiya kurina.

Muriyai Josepa ivi matume na bade varevaresina ivi akovisi, ivonesi bo, “Aku matu kamonai akitai da madegha da nawaravi ma gwamegwame ivi 11 irurunomeku.”

Ma vaghina, Josepa varevaresina inuwakapiyei ma ina mamai na weni berana ivi nuwanotanota kirakiiyei.

Ivonesi bo, “Kovi yana ma aku matu ani sisiyei. Peyarita witi vaona kamonai witi tabawabawa ma kadeni ma aku bawa ivomiiri da basunai ivi kiimiiriyei ma peyarimi ami bawa iriyei da aku bawa imiiriviviri da irurunomei.”

Kopisi, takiivunui ma weni ku dogosi sago imotomtawei na ku kamona tawanaoruwei. Ma tavona da ghamoghamo dipa ivowai. Ma takitai da aviyavisina ina tupuwa ina vimatu kubiine.”

Midiyan damsi inekiibau kurisi, ti na vigimagimara wawayisi. Vaghina ma Josepa varevaresina dogo kamonai itinepai da ivi gimarei kurisi. Miiyanina na silva ririghina ivi 20. Ti damsi Josepa iviiya ma ineyei ku Egypt dobuna.

Ti mani kavakava ivi sisiya, ivona bo, “Nani matu wawayina wepiyai.

Ma varevaresina ikitataweyana da nokomanaki ikitai ipipisi, karakava da ita nekiibau kurisi na ivi ogatara da ita kiivunui.

Ke vaghina da tarana ina sororo. Weni dogona imotomtawei na ku kamona tatawanaoruwei ma ke takiivunui.” Kana papara ita vowai, tuna kubiine nakanani ivi sisiya, ina nota da muriyai Josepa ita rutini ita nae ina mamai kurina.