Popular Bible Verses from Matta 27

Share

Banngal yamnde tati kiikiiɗe, Iisaa wulli wullaango toowngo, wii: — Eli, Eli, lama sabaktanii? (Ɗum woni: «Laamɗo am, Laamɗo am! Koɗum waɗi so njoppu-ɗaa kam?»)

Oon wakkati, heedoode faliinde ley Suudu Dewal Mawndu ndee seekii gila dow faa ley, laatii taƴe ɗiɗi. Leydi dimmbii, kaaƴe ceekii, janaale udditii, seniiɓe heewɓe maaynooɓe nguurti.

Caggal ɗum, Iisaa wulli wullaango toowngo kasen, ɗali aduna.

Hooreejo sordaasi'en oo e dardinooɓe e mum faa kayba Iisaa ɓee njii no leydi ndii dimmborii nii e ko waɗi koo fuu, kuli sanne, mbii: —So goonga nii, oo yo Ɓii Laamɗo!

Gila hakkunde naange, nimre waɗi e leydi ndii fuu faa wakkati yamnde tati kiikiiɗe.

Pilaatu lamndii ɓe, wii: —Ndennoo, hono ngaɗan-mi Iisaa biyeteeɗo Almasiihu oo? Ɓe fuu ɓe njaabii, ɓe mbii: —Tontu mo e leggal bardugal! O lamndii ɓe, o wii: —Koɗum o waɗi ko boni? Ɓe ɓeydii dukude semmbe, eɓe mbiya: —Tontu mo e leggal bardugal!