Popular Bible Verses from Luuka 14

Share

—Garɗo e am fuu, sinaa mi ɓurana ɗum inna mum e baam mum e jom suudu mum e sukaaɓe mum e miɲiraaɓe mum e mawniraaɓe mum, mi ɓurana ɗum fay kaɲum e hoore mum. So wanaa ɗum, joomum waawaa laataade taalibbo am.

Kasen duu, mo ɓamaali leggal mum bardugal jokka e am fuu, waawaa laataade taalibbo am.

Sabi mawninkiniiɗo fuu, leyɗinte, leyɗinkiniiɗo teddinte.

Hono non, fay gooto e mon waawaa laataade taalibbo am so yoppaali ko jogii fuu.

So won muuyɗo e mon mahude suudu toowndu, wanaa joomum jooɗoto tafon, hiisoo ko hasindini e mum, ƴeewa so ana jogii ko biltata ɗum naa? So wanaa ɗum, so joomum diidii taɲɲaali, jiiɗo mo fuu jalan mo, wiya: «Ƴeewee oo neɗɗo diidii, ronkii taɲɲude.»

So a waɗii waliima, noddu misikiina'en e wooyɓe e bonnguuɓe e wumɓe. Nden, a welan hoore, sabi ɓeen ngalaa ko njoɓire, a yoɓete ɲannde immital fooccitiiɓe.

Lamɗam ana moƴƴi, kaa so ɗam ŋoottii lammude, koɗum lamminta ɗam kasen? Walaa fuu ɗo ɗam waawata naftoreede, wanaa e leydi, wanaa e birgi. Ɗam tippete sella. Jom nowru fuu yo nanu.