Popular Bible Verses from Malukushi 2

Share

Bai Yesu akaigwe malove alo, andívajang'ula vamwalimu vo kushidoni, “Munu mumi hanannambela nkúlaula, ánannambela ava nnwele. Nangu apa hangwidile ndavashema vaishaliya, ngwidilé ndavashema vakutega.”

Bai Yesu pavagwene vanu avo kuvanavo likulupililo, andímwaulila wakudidimanga madodo jo kushidoni, “Mwanangu, madambi ako andilivalivika.”

Kutwala kavili kushidoni, “Munu hakandyangigwe kwamwaa waliduva lyakupumula, liduva lyakupumula ni likandyangígwe kwamwaa wamunu.

Ikavakamadyangidye kummandika Yesu mwaa wakuumbalanila vanu, vandíkwela pashanya ing'ande kubamola ulungu shalatoto namu pavéle Yesu kutwala kupata lilanga lyakupalaedya nng'ande ligadolo lyaléle munu ajo.

Bai pakulota mumanye doni Mwana Wamunu ankuvanavo mushilambo amu madalaka akulivaliva madambi,” andímwaulila wakudidimanga madodo jo, “Ninkukwaulila wako apa doni, takatuka, twala ligadolo lyako na wena kwing'ande kwako.”

Munu aju shakwashi shamwona kuva shíkakamadyanga kumwaulila? Ni kumwaulila doni, ‘Madambi ako andilivalivika’ kwali kumwaulila doni, ‘Takatuka utwale ligadolo uwene’?

Bai nae kutakatuka kutwala ligadolo lyake kuma vanu uti vamwona kutwala vovo vo kushanga na kumupa lishangelo Nnungu vaashidoni, “Wetu shinu ashi, mwiko hatunava kwona.”