Popular Bible Verses from DEUTERONOMIUM 8

Share

“Onthou altyd dat dit die HERE jou God is wat vir jou die krag gee om ryk te word. Hy doen dit om die verbond na te kom wat Hy met jou voorouers gesluit het.

Hy het jou nederig gemaak deur jou te laat honger ly. Hy het jou toe manna laat eet, kos wat jy en jou voorouers nie vroeër geken het nie. Hy het dit gedoen om jou te leer dat mense meer as brood nodig het om van te leef. Ware lewe vir die mens kom van elke woord uit die mond van die HERE.

“Onthou die hele pad waarlangs die HERE jou God jou 40 jaar lank deur die woestyn gelei het. Dit was om jou nederig te maak en jou te toets om te sien wat regtig in jou hart aangaan en of jy sy gebooie sal gehoorsaam.

Hy het dit gedoen sodat jy nie moet dink dit is deur jou eie krag en energie waardeur jy ryk geword het nie.

“Maar pas op dat jy in jou oorvloed nie die HERE jou God vergeet en ongehoorsaam raak aan sy gebooie, bepalings en voorskrifte nie.

Jy moet diep in jou hart besef dat die HERE jou God jou dissiplineer net soos ’n ouer sy kind dissipline leer.

Wanneer jy genoeg geëet het, dank dan die HERE jou God wat hierdie goeie land vir jou gegee het.

“Gehoorsaam die gebooie van die HERE jou God deur op sy paaie te loop en Hom te eer

Hy het vir jou kos gegee met manna in die woestyn, kos wat jou voorouers nie geken het nie. Hy het dit gedoen om jou nederig te maak en om jou te toets sodat dit daarna weer met jou goed kan gaan.

Wanneer jy jou versadig geëet het, voorspoedig is en mooi huise gebou het om in te woon, wanneer jou troppe beeste en skape baie word en jou goud en silwer vermeerder en alles wat jy het, meer word, dan is dit die tyd om versigtig te wees. Moenie hoogmoedig raak en dan vergeet dat dit die HERE jou God is wat jou uit die slawerny van Egipte gered het nie.

want die HERE jou God bring jou in ’n goeie land met waterstrome en poele water, met fonteine wat in die valleie en berge ontspring. Dit is ’n land met koring en gars, wingerde, vyebome, granaatbome, olywe en heuning. Dit is ’n land met ’n oorvloed van kos sonder enige gebrek. Dit is ’n land waar yster so algemeen soos klippe is en waar daar baie koper in die berge is.

“Gehoorsaam stiptelik al die gebooie wat ek jou vandag gee. Jy sal dan lewe en baie word. Jy sal die land binnegaan wat die HERE met ’n eed aan jou voorouers beloof het en dit in besit neem.

Jou klere het 40 jaar lank gehou en jou voete het nie blase gekry of geswel nie.

“Moenie vergeet dat dit Hy is wat jou gelei het deur die groot en verskriklike woestyn met sy giftige slange en skerpioene, en waar dit warm en droog is nie. Dit is Hy wat vir jou water uit die rots gegee het!