Nhor nioka nwaka Uplerlawna Nala ra'ani-pal lia Yusup niwra:
“U'pu Abrahama me a'mu Isaka rmori olek la Uplerlawna gaini ralamni. Uplerlawan di emolmolla Uplerlawna mak kla'a makodi a'u la'a mormio'ru la ululu pa nod nieka pa dodo'ondi.
Ne Uplerlawna Ntutga rupni emolmolan neka Uplerlawna hopopanni-lili'irnu maka namori-nalewna a lia yatyatni-halalli yatlorni-yatra'ani honona. Awuakwak de Uplerlawan di ed mak kara'a-kapalga tuwgari ri, nhi'nande na'nu na'itra a'mu Isaka nor u'pu Abrahama nanni rwewar noha onnila hari, ne Nreiniande hari duratni-waitni ra'ititar rer lia pa rla'a wok lawna-le'u liawna la nohkeran di wawannu.”