Popular Bible Verses from SARAY PROBIRBIO 22

Share

Ibangat mod ogaw no panoy pambilay to, et ag to nalingwanan legan ton mambilay.

Igalang moy KATAWAN tan mampaabeba ka, et nagamuran moy kayamanan, kagalangan, tan andokey a bilay.

No sikay pampilien ed malinis a kagalangan tan say baleg a kayamanan, pilim so malinis a kagalangan.

Ag ka mikakaaro ed saray totoon mapetang na olo tan maruksa

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Saray totoon ikakana ray olo ra nanengneng dan onsasabi so kaatapan, et paliisan da, balet saray totoon kulang na kanunotan subaen da, et nasagmak day kairapan.

Aripen na toon mayaman iray mairap-bilay. Miutang ka, et aripen kay akautangan mo.

Wala yan pamparaan na toon mairap-bilay tan say toon mayaman: pinalsa ran dua na KATAWAN.

Ag mo tatakewan so mairap-bilay lapud sarasarag mo; ag mo aanamutey pankanawnawam a mamairap ed saray totoon anggapoy nayarian no wala kayod korti. Say KATAWAN iyalageyan to ra tan taktakoten toy bilay da ray manataktakot na bilay da.