Popular Bible Verses from MARCOS 10

Share

Ta anggan say Anak na Too ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.

Ninengneng ira nen Jesus tan inmebat, Ag ya nagawaan na too, balet nagawaan na Dios, ta say Dios nayaryan to a gawaen ya amin iray bengatla.

Inkuanen Jesus, Inmabig ka la, lapud pananisiam. Nayarian mo lay onla. Inmabig ed saman a bekta tan tinmombuk ed kinen Jesus.

Ag nepeg sirin a siyanen na too so impankasakey na Dios.

Maararon ninengneng nen Jesus, tan kuantod sikato, Wala niy sakey a kakulangan mo. Laka, ta ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.

Tinepet nen Jesus ed sikato, Antoy labay mon gawaen kon para sika? Inmebat imay bulag, Maistro, labay koy makanengneng.

Aliwan onya balet so nepeg a nagawad sikayo. Siopaman ed sikayo so labay toy mangipangulo, nepeg toy manlingkur ed sikayon amin.

Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios.

Balet amayamay iray makakaona natan a naonur, tan amayamay met iray nanaonur natan a makaona.

Balet nanlapud impamalsay Dios ed mundo nibaga, Pinalsay Dios so laki tan bii. Sikato yay makasengeg a taynan na laki so ama tan ina to tan iyamung toy asawa to, et mankasakey iran dua. Kanyan aliwa la ran duara, no ag ta saksakey la ran laman.