Popular Bible Verses from LUCAS 5

Share

Kasumpal ton nansalita, inkuantod kinen Simon, Laka yo ed bandad aralem tan ipelag yo ray iket yo, pian makala kayoy sira.

Maistro, ebat nen Simon, sanlabi kami lan nansagput, et anggapoy nala mi. Balet lapud ibabagam, ipelag ko ray iket. Onyay ginawa ran tua, tan lapud karakel na nala ran sira, ngalngali la napilat ira may iket.

Balet si Jesus naynay ya onlad nisolinek iran pasen a mampikasi.

Ag ak dia linman manawag ed saray matonung, no ag ingen linma ak dian manawag ed saray makasalanan, pian mampatauli ra.

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, Arawi kad siak, Katawan, ta makasalanan ak a too!

Si Jesus so inmebat ed sikara, Aliwan saray maksil so laman so mankaukolan na doktor, no ag saray mansasakit.

Insarsar da ra may baloto ra, tinaynan day amin a kayaryan da, tan akila rad kinen Jesus.

Aminsan, nen si Jesus et walad sakey a baley, dinmagod sikatoy sakey a laki ya akating so intiron laman to. Kanengneng tod kinen Jesus, dinmakmomo tan akikasi. Inkuanto, Katawan, no labay mo, napagmaliw mo ak a paabigen! Inyonat nen Jesus so lima to, diniwit to tan inmebat, Labay ko. Magmaliw ka lan malinis! Nakal a tampol so kating to may laki.

Balet lalon kinmayat so balitan nipaakar ed kinen Jesus, kanyan dinmago ray amayamay a totoo ya ondengel ed sikato tan mampatambal ed saray sakisakit da.