Popular Bible Verses from LUCAS 10

Share

Dengel kayo! Initdan ta kayoy pakaoley ya onggatin ed saray oleg tan alakdan, tan maneral na amin a pakayari nen Satanas. Anggapoy makarigsod sikayo.

Inmebat so Katawan, Sika, Marta, amayamay a bengatla so pampapagaan tan pansasakitan moy olo. Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.

Inkuanto may too, Arom so Katawan a Dios mo ed intiron pusom, intiron kamererwam, intiron biskeg mo, tan intiron kanunotan mo; tan, Arom so kaabay mo a singa panangarom ed sikan dili.

Inkuantod sikara, Amayamay so aaniyen, balet dagdaiset iray manani. Kerew yod akankiey aaniyen a mangibaki niy arum a manani.

Insan tinepet nen Jesus ed samay makabat ed Ganggan, Onung ed sikan dili, siopad saramay talora so nanggaway kanepegan na kaabay ed samay toon sinabat na saray tulisan? Samay angasid sikato, ebat to may makabat ed Ganggan. Inkuanen Jesus, Laka la, sirin, tan ontan met so gawaen mo.

Laka yo la! Ibaki ta kayon singa saray karniro ed pegley da ray asod katakelan.