Popular Bible Verses from Matews 27

Share

Apim ini daraka kamuw, ig Kiyapwiye Jesus kabiman akak gihawna giwnaprik. Ig awna: ―“Eli, Eli, lemá sabaktâni?” Inakni wownaprikwiy: “Nuwohkiga, nuwohkiga, mmah pis ikiswen?”

Nikwenéwa apim ini, ini kamis amaptenten Uhokri giwskeki ku pariye ayge agikunene Uhokri Gipin, in sigke pabakak. Nikwenéwa ku aysaw ig miyap amun ini in sigka aytá inutak danuhte ta warikwit. In woka ahin ta agikut Uhokri giwskeki. Ayge apim ini wayk segke. Tip bekhewbet. Amun ini kaayhsima imewti woke. Ayteke ariwntak Kiyapwiye Jesus gikankawni, kaayhsima Uhokriyanpu miyarapye igkis kannikew, igkis pese apititak ini gimewkis. Igkis tipik ta apitit Jerusalém ini paytwempu gidahan Uhokri. Ayge kaayhsima hiyeg hiyaprikis.

Igme Kiyapwiye Jesus kabiman akak gihawna akiw. Giyakek madike. Ig miyap.

Ig Kiyapwiye Jesus miyapi, pahapwi romayene suwtat gikiparakis gikakkis nerras gisuwtatapu ku pariye gikapriwten, igkis hiyapni ini sagkaki akak madikte akiw ku pariye danuh apim ini, igkis wakaymnibdi mpiynepepye. Igkis awna: ―Inyerwa ner awayg Uhokri gikamkayh.

Ayteke puwipka danuh. Pahaye adahan kamuw abutni ka kabutni akiw. Hawkri msanpi juktah daraka kamuw in kapusa kabutni akiw.

Igme amekene Pilatus timapni henne, ig ayaprikis: ―Mmah nah keh nikwe gikak Jesus ku pariye yis kanum Cristo, Uhokri gikanyan adahan yikumaduketni? Igkisme madikte kaytwa giwn: ―Uyá daddahkiswig! Igme timapni henne, ig ayaprikis: ―Mmahki? Pariye mbayka gikehni? Igkisme kabiman pi kihhawnate akiw. Igkis awna: ―Daddahkisnig!