Popular Bible Verses from متّا 7

Share

ائسته‌یئن، سئزه ورئله‌جک؛ آختارین، تاپاجاقسینیز؛ قاپینی دؤیون، سئزه آچیلاجاق.

چونکی هر ائسته‌ین آلیر؛ آختاران تاپیر؛ و قاپی، اونو دؤینه آچیلیر.

بله‌جه، منئم بو سؤزلرئمی کئم اشئدئب اونلارا عمل اتسه، اونو او آغیلّی آداما بنزه‌دئرم کی، اِوئنی داش اوستونده تئکدی.

بونا گؤره، ائنسانلارین سئزئنله نجه رفتار اتمکلرئنی ائسته‌یئرسئنئز، سئز ده اونلارلا اله رفتار ادئن. چونکی شرئعت و پیغمبرلرئن ددئکلری بودور.

حیاتا آپاران قاپی دار و یول اِنسئزدئر؛ بو یولو تاپانلار آزدیرلار.

دار قاپیدان گئرئن؛ چونکی هلاکا آپاران قاپی گنئش و یول اِنلئدئر؛ بو قاپیدان گئرنلر چوخدور.

بله‌جه، اگر سئز، پئس اولدوغونوز حالدا، اؤولادلارینیزا یاخشی هدئیّه‌لر ورمه‌یی بئلئرسئنئز، نه قدر آرتیق گؤیده اولان آتانیز اوندان ائسته‌ینلره یاخشی شیلر وره‌جک.

حؤکم اتمه‌یئن کی، سئزه ده حؤکم اولونماسین. چونکی نه حؤکمله موحاکئمه اده‌سئنئز، اونونلا دا موحاکئمه اولوناجاقسینیز؛ و هانسی اؤلچو ائله اؤلچه‌سئنئز، او اؤلچو ائله ده سئزه اؤلچوله‌جک.

لاکئن منئم بو سؤزلرئمی کئم اشئدئب اونلارا عمل اتمه‌سه، اونو او آغیلسیز آداما بنزه‌دئرم کی، اِوئنی قوم اوستونده تئکدی.

نه اوچون قارداشینین گؤزونده‌کی چؤپو گؤرورسن، لاکئن اؤز گؤزونده اولان تئری سچمئرسن؟! اؤز گؤزونده تئر اولدوغو حالدا، قارداشینا نجه دیئرسن کی، قوی گؤزونده‌کی چؤپو چیخاردیم؟!

یالانچی پیغمبرلردن اؤزونوزو اوزاق ساخلایین کی، یانینیزا قویون جئلدئنده گلئرلر، آمّا باطئنده وحشی قورددورلار. اونلاری میوه‌لرئندن تانییاجاقسینیز. مگر تئکانلاردان اوزوم و قانقالدان انجئر دررلر؟!

بله‌جه، هر یاخشی آغاج یاخشی میوه وِرَر؛ لاکئن پئس آغاج پئس میوه گتئرر.

یاخشی آغاج پئس میوه وره بئلمز؛ پئس آغاج دا یاخشی میوه وره بئلمز.

یاخشی میوه ورمه‌ین هر آغاج کسئلر و اودا آتیلار.