Popular Bible Verses from متّا 24

Share

پئسلئیئن آرتدیغیندان چوخ آداملارین سِوگئسی سویویاجاق. لاکئن آخیرا قدر صبر ادن نئجات تاپاجاقدیر.

گؤیون پادشاهلیغی حاقّیندا اولان بو موژده بوتون دونیایا وعظ اولوناجاق کی، هامی مئلّتلره شهادت اولسون. و آخیر او واخت گله‌جکدئر.

موحارئبه گورولتولری و ساواش خبرلری اشئده‌جکسئنئز. باخین، قورخمایین، چونکی بوتون بونلارین باش ورمه‌سی گرکدئر. آمّا بو حله ده آخیر دیئل.

مئلّت مئلّتئن ضئدّئنه، دؤولت دؤولتئن ضئدّئنه قالخاجاق. موختلئف یرلرده قحطی‌لر و زلزله‌لر اولاجاق. بوتون بونلار دوغوم سانجی‌لارینین باشلانیشی‌دیر.

گؤی و یر کچئب گده‌جک، آمّا منئم سؤزلرئم اصلا کچئب گتمه‌یه‌جکدئر.

چونکی چوخ آداملار منئم آدیمدا گلئب ”مسئح منم“ دئیه‌جکلر و چوخ آداملاری آلداداجاقلار.

او زامان سئزه اذئیّت ورئب، سئزی اؤلدوره‌جکلر و منئم آدیما گؤره، بوتون خالقلار سئزدن نئفرت اده‌جکلر. او واخت بئر چوخلاری ائماندان بودره‌یه‌جکلر، بئربئرلرئنی تسلئم ادئب بئربئرلرئندن نئفرت اده‌جکلر. بئر چوخ یالانچی پیغمبرلر ظوهور ادئب، چوخ آداملاری آزدیراجاقلار.

عئسا جاواب ورئب اونلارا ددی: «دئقّتلی اولون کی، کئمسه سئزی آلداتماسین.

بونون اوچون سئز ده حاضیر اولون؛ چونکی ائنسان اوغلو سئزئن گومان آپارمادیغینیز ساعاتدا گله‌جکدئر.

اونا گؤره ده، اویاق دورون؛ چونکی ربّئن هانسی گون گله‌جه‌یئنی بئلمئرسئنئز.

لاکئن هچ کس او گون و او ساعاتی بئلمئر، نه گؤیون ملکلری، نه ده اوغول. آتادان باشقا هچ کئم بئلمئر.

چونکی یالانچی مسئحلر و یالانچی پیغمبرلر ظوهور ادئب بؤیوک علامتلر و مؤجوزه‌لر گؤرسده‌جکلر کی، مومکون اولسا، سچئلمئش اولانلاری دا آلداتسینلار.

نوحون زامانیندا نجه اولدو، ائنسان اوغلونون گلئشی ده اله اولاجاق. نجه کی، طوفاندان ائره‌لی اولان گونلرده، نوح گمئیه گئرن گونه کئمی، ائنسانلار ییئب، ائچئب، آرواد آلیب، اَره گدئردئلر. و طوفانین گلئب هامیسینی آپارینجایا قدر، باشلارینا نه گله‌جه‌یئندن بئخبر ائدئلر، ائنسان اوغلونون گلئشی ده بو جور اولاجاق.