Popular Bible Verses from متّا 16

Share

او زامان عئسا شاگئردلرئنه ددی: «کئم ائسته‌یئر منئم دالیمجا گلسئن، گرک اؤزونو ائنکار اتسئن و چارمیخینی گؤتوروب دالیمجا گلسئن.

من ده سنه دیئرم کی، سن پطروس‌سان و من کئلئسامی بو داش اوستونده بئنا اِده‌جه‌یم و اؤلولر دئیارینین قاپیلاری اونا قالئب گله بئلمه‌یه‌جکلر.

گؤیلرئن پادشاهلیغینین آچارلارینی سنه وره‌جه‌یم؛ یر اوزونده باغلادیغین هر شی، گؤیلرده باغلانمیش اولور و یر اوزونده آچاجاغین هر شی، گؤیلرده آچیلمیش اولور.»

چونکی کئم جانینی خئلاص اتمک ائسته‌سه، اونو ائتئره‌جک؛ لاکئن کئم جانینی منئم یولومدا ائتئرسه، اونو قازاناجاقدیر.

آداما نه فایداسی وار کی، بوتون دونیایا صاحئب اولسون، آمّا جانینی ائتئرسئن. و یا ائنسان اؤز جانی عوضئنه نه وره بئلر؟

عئسا اونلارا ددی: «سئز منئم کئم اولدوغومو دیئرسئنئز؟» شمعون پطروس جاواب ورئب ددی: «سن دئری تارینین اوغلو مسئحسن.»

عئسا اونا ددی: «خوش سنئن حالینا، ای یونا اوغلو شمعون! چونکی بونو سنه بئلدئرن جئسم و قان یوخ، گؤیلرده اولان آتامدیر.