Popular Bible Verses from Filibiyanko'en 2

Share

To' on ngaɗu koo ɗume nder yidde hoore koo nder mangu hoore, ammaa nder lesnuki hoore koo moye hocca bandiraawo muuɗum ɓuriimo. To' koo moye mooɗon yiɗa ko nafanta hoore muuɗum tan, ammaa o yiɗa ko nafanta woɓɓe maa.

Ngikku mooɗon warta iri ɗum Yeesu Almasiihu.

Koo nde nder koo ɗume o go'o e Allah, o hoccaayi fottuduki e Allah goɗɗum ko o jogotoo. Ammaa o wartirii hoore maako naa' o goɗɗo, o warti maccuɗo, o danyaa nder nandi neɗɗo. Gaɗa o danyaama nder nandi neɗɗo, o lestini hoore maako o waɗi ko ɗum wi'imo haa o maayi mayde dow gaafaangal.

Ngam Allah e huwa nder ɓerɗe mooɗon ngam o waɗa'on ngiɗon waɗuki ko o yiɗi, mbaawon waɗukiɗum.

Ngam non, Allah hokkimo mangu ɓurɗum ɗum koo moye, nden hokkimo inde ɓurnde koo ndeye inde. Ngam koo ɗume ko woni e dow, e ko woni e duuniyaaru, e koo ɗume ko woni e Laahira, ɗum diccanto Yeesu. Nden yeeso koo ɗume koo ngale ɗemngal wi'ay Yeesu Almasiihu o Joomiraawo, ngam mawninki Allah Nyaako Mo Dow.

Fuu ko ngaɗoton, to' on ngaɗuɗum nder metitaaki, koo nder geddi, ngam ngarton walaa ko ɗum huɗirta'on, laaɓuɓe, ɓiɓɓe Allah ɓe ngalaa halleende nder jaamanu yimɓe ɓe ngalaa goonga kalluɓe, ngarton jaynotooɓe nder maɓɓe bo fitilaaji e duuniyaaru

Ngam non onon ɓe ngiɗumi, koo ndeye on ngaɗa ko ɗum wi'i'on carel ko ngondunoomi e mooɗon. Jooni maa nde mi walaa ɗon, ɓeydee waɗuki ko ɗum wi'i'on. Ngaɗee ka huwuki kuugal kisndam mooɗon nder kulol Allah.