Popular Bible Verses from Markus 6

Share

O wi'iɓe, “Ngaree, njahen to wigeere gewtunde keɓon ciwtooɗon seɗɗa.” O wi'ii non ngam yimɓe ɗuɗɓe e ngara e co''oo haa hewti ɓe keɓaayi koo carel ɓe nyaami nyamndu.

Yeesu wi'iɓe, “Koo toye yimɓe e kokka annabiijo mangu, ammaa yimɓe gariiri maako, e bandiraaɓe maako, e yimɓe wuro maako, ɓe kokkataamo mangu.”

E jippaaki Yeesu daga nder komiwal ngal o yi'i yimɓe ɗuɗɓe e kawriti, sey o nani jurumɗum maɓɓe, ngam e ɓe ɗon bo baali ɗi ngalaa gaynaako. Sey o fuɗɗi ekkitinkiɓe fii ɗuɗɗum.

Yeesu waawaayi waɗuki goɗɗum kayɗiniiɗum ton, sey ni yimɓe seɗɗa ɓe njamɗaa o yowi juuɗe maako dow maɓɓe o yamɗitiniɓe. O hayɗini ngam ɓe koolaakimo. Yeesu e yiiloo e ekkitina nder ngarihoy.

O hocci buroodi jowi ɗum e liƴƴi ɗiɗi ɗin, o raari dow, o yetti Allah, o sendi buroodi ɗum o hokki tokkuɓemo ngeedana yimɓe fuu. Non o waadi e liƴƴi ɗiɗi ɗin maa. Ɓe fuu ɓe nyaami ɓe kaari. Tokkuɓemo moɓti buroodi koriiɗum e liƴƴi koriiɗi ko waɗi kondooje sappo e ɗiɗi.