Popular Bible Verses from Markus 11

Share

Ngam non e mi wi'a'on, fuu ko toriiɗon nder do'aare, koolee on keɓiiɗum, nden ɗum wartay ɗum mooɗon.

E mi wi'a'on goonga, to goɗɗo wi'ii hocceere nde'e, ‘Dillu, kuboɗaa hoore maaɗa nder mbeela,’ to o waɗaayi seko nder ɓernde maako, ammaa o hoolii ko o wi'i ɗum waɗay, ɗum waɗanaymoɗum.

Koo ndeye to on ndarake on ngaɗa do'aare, to e woodi mo njogitiiɗon nder ɓerɗe mooɗon, njaafaneemo, ngam Nyaako mooɗon Mo Dow maa yaafanoo'on hakke mooɗon.”

Yeesu nootii wi'iɓe, “Koolee Allah.

O wi'iɓe, “Ɗum windaama, Allah wi'ii, ‘Ɗum noddiray wuro am wuro do'aare ngam leƴƴi fuu,’ ammaa onon on ngartiriingo luuro wuyɓe.”

Yimɓe wonɓe yeeso maako e wonɓe gaɗa maako, e ɓe mbi'a e sembe, “Hosaana! O barkiɗinaaɗo on ɗon garoyɗo nder inde Joomiraawo!

Laamu maama meeɗen Dawda garayɗum ɗum barkiɗinaaɗum! En mantu Allah Mo Dow!”