Popular Bible Verses from Yahaya 15

Share

“Min woni layol inabohi, onon ngoni lice maagol. Koo moye jooɗiiɗo e jokkootiri e am, min maa e mi jokkootiri e maako, o wartay bo lisal dimayngal ɓikkoy ɗuɗkoy. Ngam to naa' on kawtu e am, on mbaawataa ngaɗon goɗɗum.

Njooɗee on njokkootiri e am, nden min maa mi jooɗoto e mi jokkootiri e mooɗon. Lisal waawataa rima kanum tan, sey to ngal jokkootirii e layol. Non onon maa on mbaawataa ngaɗon goɗɗum ɗum Allah yiɗi sey to on njokkootirii e am.

To on njokkootirii e am nden boliiɗe am e njokkootiri e mooɗon, toree koo ɗume ɗum ngiɗɗon, ɗum hokkay'onɗum.

Naa' onon cuɓiyam, min suɓi'on hokki'on kuugal njahon ngaɗon goɗɗum ɗum Allah yiɗi tabitayɗum. Nden Nyaako Mo Dow hokkay'on koo ɗume ɗum toriiɗonmo nder inde am.

Walaa yidde ɓurnde nde'e, waato neɗɗo hokka yonki muuɗum ngam higooɓe muuɗum.

O ittay koo ngale lisal am ngal rimataa, nden o mo''inay koo ngale lisal dimoowal, ngam ngal ɓeyda rimuki.

Ko nginmi ngaɗon woni ngiɗindiron non no ngiɗirmi'on.

Ko teddinta Nyaako am woni ngaɗon ko o yiɗi nde ɗuɗɗum. Kanjum hollata on tokkuɓeyam.

“Min woni layol inabohi goongawol, nden Nyaako am woni paamanayɗongol.

Fuu neɗɗo mo jokkotiraayi e am, e mo nandi e lisal pe''itaangal yoori. Iri ngal ɗon lisal e ngal hoccee ngal hubinee nder hiite ngal wula.

“Mi wi'u'on ɗu'um ngam nanon belɗum nder ɓerɗe mooɗon iri ɗum am, nden belɗum ɗum warta kewɗum.

To on ngaɗii ko mbiimi ɗum waɗa, on njooɗoto nder yidde am, non no ngaɗirmi ko Nyaako am Mo Dow wi'i ɗum waɗa njooɗiimi nder yidde maako.

Ko mbiimi ngaɗon woni, ngiɗindiree.

Daa duuniyaaru ndu'u jeyi'on, daa ndu yiɗay'on no ndu yiɗiri ɓe mayru. Ammaa mi suɓii'on daga nder duuniyaaru, ngam onon naa' ɗum ɓe duuniyaaru. Kanjum waɗi yimɓe mayru nganyi'on.