Popular Bible Verses from Koloosiyanko'en 2

Share

Nde on njaɓii Yeesu Almasiihu o Joomiraawo, ngaɗee ka sumpootirki e maako. No ɗaɗi lekki ngaɗirta lekki kin daroo boɗɗum, cembiɗa, non onon maa, ndaree boɗɗum, ɓeydee sembe nder hoolaakimo, non no ɗum ekkitiniri'on. Ngaɗee ka yettukimo koo ngele carel.

To' on alu goɗɗo huutira faamu duuniyaaru ndu'u waɗa'on alon laawol goonga. Iri ɗu'um faamu walaa ko ɗum nafi ɗum majjinay'on. Naa' to Almasiihu ɗum ƴiwoyi, daga to yimɓe ɗum ƴiwoyi e ginni gooduɗi bawɗe nder duuniyaaru.

Ndenno on nandi e mayɓe ngam hakke ɗum ngaɗɗon, kadin ngam ɗum ittanaayi'on ngikku mooɗon giɗɗum waɗuki hakke. Ammaa jooni Allah hokkii'on yonki nder sumpootirki e Almasiihu. O yaafanake'en fuu hakke meeɗen. Allah woggii fuu ko wooɗaa ɗum ngaɗɗen bindaaɗum ɗum um nangiri'en. O ittiiɗum dow meeɗen nde Almasiihu fiyanaa kuusaaje dow gaafaangal.

Almasiihu e woodi fuu ngikku e bawɗe Allah nder ɓandu maako. Nder sumpootirki e maako, jonde mooɗon wartii kewnde. Kanko woni mawɗo dow koo ngole ginnol, e malaa'ikaajo, e koo ɗume laamu gonɗum dow e ley.

Ngam non, to' on alu goɗɗo yowana'on ko wooɗaa ngam ko nyaamoton e ko njaroton, koo ngam on ngaɗaayi wongo humto diina, koo humto daraaki lewru, koo dow Nyalnde Siwtaare. Fuu fii ɗu'um ɗum ɗowdi fii garayɗum ɗo'o yeeso, goonga fuu fii ɗu'um woni Almasiihu.