Popular Bible Verses from Jan 16

Share

Taargen maam mꞋtaaɗsesin̰ se, taa ute maam se naase aki Ꞌkɔŋ tɔɔsɛ. Ɗeere, naase utu aki Ꞌkɔŋ dubar do naaŋ ki, naɓo aayki kaamse taa maam cirga dunia.»

Kɛn *Nirl Salal kɛn taaɗ taar mɛt ki utu aɗe ɓaa se, naan̰ utu asen tɔɔɗɔ taa naase aki jeel taar mɛt ki se mala mala. Taa taar naan̰ utu Ꞌtaaɗ se, Ꞌtɛrɛcn̰ don̰ ki ɓo Ꞌtaaɗ eyo, gaŋ naan̰ se utu asen taaɗn taar kɛn naan̰ utu aɗe booyo, ɔɔ utu asen taaɗn nakgen utu Ꞌkaan se.

Bini ɓɔrse kic ɓo, naase Ꞌtɔndki te mɛtn ɗim te ro maam eyo; ɓɔrse Ꞌtɔndki mɛta ɔɔ utu aki kɔŋɔ, bin se ɓo maakse Ꞌraap maraadin̰ ki.»

Ey num taar maam mꞋtaaɗsen se taar mɛt ki; kɛn maam mꞋɓaaga se asen tɛɗn jiga naase ki; kɛn maam jaay mꞋɓaa te ey num, Debm Noogo se aɗe kɔŋ ɓaa eyo. Num gaŋ kɛn maam mꞋɓaaga num mꞋutu mꞋan̰o kɔlɔ. Kɛn naan̰ ɓaaɗoga num, naan̰ utu Ꞌtaaɗn jeege tun do naaŋ ki se, naaɗe iigga do maak‑saapm kɛn naaɗe ɔkɔ do *kusin̰ ki, do nak kɛn ute ɗoobin̰a, ɔɔ tɛr do kɔjn̰ bɔɔr kɛn Raa utu kɔjn̰ do jeege tu se kici.

Taa naan̰ se, naase kic ɓɔrse utuki maakŋ maak‑tuj ki, ɔɔ tɛɗga num, maam mꞋutu mꞋasen kaaka ɔɔ bin se maakse utu raapo ɔɔ maak‑raapm naase se, nam an̰ kɔŋ tuj eyo. «Bin ɓo, ɓii kɛn se, naase aki tɔnd mɛtn ɗim gɔtum ki ey sum. ꞋBooyki bɛɛ mꞋasen taaɗa: nakŋ naase Ꞌtɔndki mɛta gɔtn Bubum ki te ro maam se, naan̰ utu asen kɛɗa.

ꞋBooyki bɛɛ mꞋasen taaɗa: naase maakse utu tuju ɔɔ aki keeme, gaŋ jee do naaŋ ki se maakɗe utu Ꞌraapo. Maakse utu tujn̰ ɗeere, naɓo tɛɗga num, maak‑tujse se Ꞌdɛl maak‑raapo.