Popular Bible Verses from Naabm jee kaan̰ naabm Isage 11

Share

Kɛn naan̰ jaay ɓaa ɔŋin̰ se, naaɗe kꞋɓaaɗo kalaŋ maakŋ gɛgɛr kɛn Antiɔs ki. Maakŋ ɓaar kɛn ute magalin̰ paac se, naaɗe lee tus ute jee egliz kɛn gɔtn ese ɔɔ jeege dɛna naaɗe lee dooyɗe ute taar Raa. Maakŋ gɛgɛr kɛn Antiɔs ki sum ɓo, jeegen aalga kaal maakɗe do Isa al‑Masi ki se kꞋbaagɗe daŋ ute ro: jee al‑Masige.

Barnabas se, naan̰ debm jiga, aal maakin̰ paac do Isa al‑Masi ki, ɔɔ naan̰ se maakin̰ ɗooc ute *Nirl Salal. Kɛn naan̰ jaay aan Antiɔs ki jaay aak bɛɛ kɛn Raa tɛɗ jee Isa al‑Masige tun gɔtn ese se, naan̰ maakin̰ raapo ɔɔ dɛjɗe ɔɔ jꞋiŋg kꞋdɔɔk ute Mɛljege Isa al‑Masi se tɔɔgɔ. Gɔtn se jeege dɛna took taar Mɛljege ɔɔ ziiɗ do jee Isa al‑Masige tun gɔtn ese.

Jee se maam mꞋaakga Raa ɛɗɗenga Nirl Salal aan gɔɔ kɛn naan̰ ɛɗjekiro naajege tun jꞋaalkiga kaal maakjege do Isa al‑Masi ki se kici. Bin se, maam tap ɓo mꞋnaŋa jaay mꞋgaasn Raa do nak kɛn naan̰ ɓaa ɓaa tɛɗa se?» Kɛn naaɗe jaay booy taar kɛn Piɛr taaɗɗen se, naaɗe paac ɓaa doa. Gɔtn se naaɗe *nook Raa ɗeek ɔɔ: «Ɗeere, Raa se ɔɔɗga ɗoobo jeege tun Yaudge ey se kici, gɛn tɛrl maakɗe do Raa ki taa kɔŋ *kaajn̰ gɛn daayum.»