Popular Bible Verses from Noo Ean 1

Share

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey

Ayns y toshiaght va’n Goo, as va’n Goo marish Jee, as va’n Goo Jee.

As ren y soilshey soilshean ayns y dorraghys, as cha ren y dorraghys goaill-rish.

As ghow yn Goo er dooghys ny foalley, as ren eh baghey nyn mast’ ain (as hug shin my-ner yn ghloyr echey, yn ghloyr myr jeh’n ynrycan Mac er-ny-gheddyn jeh’n Ayr) lane dy ghrayse as dy irrinys.

Liorishyn va dy chooilley nhee er ny yannoo; as n’egooish cha row nhee erbee jeant va er ny yannoo; Aynsyn va bea, as va’n vea soilshey deiney.

Yn nah laa honnick Ean Yeesey cheet ny whail, as dooyrt eh, Cur-my-ner Eayn Yee, ta goaill ersooyl peccah yn theihll.

V’eh ayns y theihll, as va’n seihll er ny yannoo liorishyn, as y seihll cha dug enney er. Haink eh gys e vooinjer hene, agh cha ren e vooinjer hene soiaghey jeh.

Shen va’n soilshey firrinagh, ta soilshean ayns dy chooilley ghooinney ta cheet er y theihll.

Son va’n leigh er ny choyrt liorish Moses agh haink grayse as firrinys liorish Yeesey Creest.