Popular Bible Verses from Matyu 22

Share

Tama Jisasgo agabolo te po wai, “‘Genuai Bidi da aga nago God dao. Te nago aga godolo ebo te nago homu tigidali me, te nago noma tigidaligo me, te nago homu kolesaga tigidali agaba munama, tama aga nago godolo mu yao.’ Te bomai po aga te genuai elalubo, tama aga te polalubo mu dao. Tama te bomai poba daganalubo po aga te tiwai dao. Te e dao, ‘Nago naga digi godolo ebo te kolesaga tiwaigo te nago bidi hasi dabe augwali dali wiegi yai homu elama godolo yao.’

Te bomo yai po side te tigidali bomo yai po page me, te Godigo po pusali bidi profet dabego po page me, te po side naga elalubo dao,” Jisasgo te po wai.

“Awe, te tama tiwai Godigo te we bidi hauwa i wabo dao, tiali goli agai bidi deli deli naga sa munama, tama aga te we bidi tonalubo kolesaga tomoba asomainogo tebo dao,” Jisasgo te po wai.

Magi baso meni. Te isali bidi dabe augwali ma hodalobo sogo, te bidi dabego te we sabo sę me egobeo. Menio. Te augwali olo te dagalude bidibo mobo bidi ensel bidibo gilama tiwai bidaluaibao.

Dagego te takis Sisarbolo mabo mone ge me deli enabolo waselao.” Tama augwaligo mone me deli sela aselama, agabolo ola mani. Tama agai augwalibolo hanalu wali, “Te e masigi daide elalubo gesabidi noma me, e asęani nogi me, te dego dawe?” Tama augwaligo te po wali, “Te Sisargo dao.” Tama agai augwalibolo te po wai, “Tama tibaso, te Sisargo nai, te dagego te Sisar agabolo wei ponoyu mao. Tama Godigo nai da, te dagego Godibolo mao,” wali.